Ønskjer du å bidra som speaker på våre heimekampar?
Sogndal FK Damer har mange flinke frivillige som bidreg rundt både laget og våre arrangement. Denne fantastiske gjengen er heilt avgjerande for at me skal lukkast, og me ønskjer alltid nye bidragsytarar velkommen! Kanskje er nettopp du vår nye speaker?
Ein viktig del av arrangementa rundt heimekampane våre er gjengen som sit i kontrollrommet. Det er i kontrollrommet ein styrer både storskjerm, LED, musikk og speakerteneste, og sørger for ei god stadionoppleving for alle våre gjester. Her jobbar ein gjerne to eller fleire saman der ein fordeler ansvaret for storskjermen og speakertenesta mellom seg. Me er på utkikk etter personar som kunne tenkt seg å bidra som speaker. Kanskje er du glad i å prate, engasjert i fotball eller villig til å lære meir om speakertenesta? Det er iallefall ingenting som slår utsikta frå kontrollrommet!
Om ein ønskjer å bidra som speaker vil ein få nødvendig opplæring på det tekniske utstyret, og blir samtidig ein del av ein fantastisk gjeng frivillige! Ta gjerne kontakt med Åse Neraas ved spørsmål eller for å melde interesse:
