Takk for denne gang og lukke til vidare!
Marte Hollevik, Thea Elle, Julia Felde og Amalie Røys
Takk for gode bidrag, både på og utanfor bana!
På klubben si sommaravslutning fekk vi takka av denne flotte kvartetten. Som seg hør og bør har dei stilt seg opp på biletet etter ansiennitet. Marte kom til Kaupanger i 2019 sesongen og var med over til Sogndal FK Damer, Thea var også innom Kaupanger i 2021 sesongen, Julia kom til Sogndal i 2022, medan Amalie har vert på lån her i vårsesongen 2025.
Dei 3 førstnemnde spelarane trappar no ned fotballsatsinga av ulike årsaker, medan Amalie reiser tilbake til AaFK Fortuna for å kjempe om speletid i toppen av 1.divisjon.
Marte Hollevik, som fekk 46 offisielle kampar for a-laget (inkl KIL), nytta anledninga til å takke alle lagvenninner, trenarar og frivillige for ei flott tid i klubben. Thea spelte 52 kampar og Julia fekk 29 offisielle kampar.
Amalie som har vert på lån fekk med seg 11 kampar og scora 4 mål. Trass den korte tida her i Sogndal ønskjer ho formidle takksemd til fleire:
“Eg er glad og takknemmelig for tida eg har hatt her i Sogndal. Utruleg fint miljø med gode lagsspelarar og trenarar, samt flotte frivillige. Fasilitetane er heilt unike og det har vore ein plass det har vore lett å trivast og utviklast som fotballspelar”
